Բուժել կաթնատամները, թե ոչ

Բուժել կաթնատամները, թե ոչ
09 Jun 2021
Բուժել կաթնատամները, թե ոչ

Բուժել կաթնատամները, թե ոչ

Հաճախ_տրվող_հարցեր Ծնողները հաճախ հարցնում են. «Պե՞տք է բուժել կաթնատամները։ Չէ՞ որ դրանք փոխվելու են»:

Մեր սիրելի ծնողների հարցին պատասխանել է ՀԱԱԿ մանկական ատամնաբույժ Սաթենիկ Բալաչյանը 

Միանշանակ պետք է բուժել կաթնատամները և խուսափել դրանց վաղաժամ հեռացումից։ Այլապես կարելի է բախվել հետևյալ խնդիրներին.

◇   Էսթետիկ գանգատների և բարդույթների առաջացում երեխայի մոտ։ Ատամների վատ տեսքի պատճառով երեխան խուսափում է ժպտալուց, խոսելուց, շփումից, դառնում է ավելի մեկուսացված և ինքնամփոփ։ Դա կարող է պայմանավորված լինել նաև կաթնատամի կոտրման կամ վաղաժամ հեռացման արդյունքում խոսքի խանգարումով։

◇Սնուցման խանգարումներ։ Ուտելու ընթացքում ցավից խուսափելով՝ երեխան սկսում է քիչ ուտել։ Բացի այդ ախտահարված ատամները լիարժեք չեն կատարում ծամողական ֆունկցիան։ Սա էլ բացասաբար է անդրադառնում երեխայի ընդհանուր ֆիզիկական աճի և զարգացման վրա։

◇ Բերանի խոռոչի հիգիենիկ վիճակի վատացում։ Ատամների մաքրման ժամանակ հնարավոր ցավից խուսափելով՝ երեխան չի մաքրում ախտահարված ատամը կամ բոլոր ատամները։ Սա էլ ավելի է խորացնում առկա ախտահարումները։

◇   Երեխայի մոտ առկա առողջական խնդիրների սրացում կամ ավելի բարդ ընթացք։ Ախտահարված կաթնատամը քրոնիկական ինֆեկցիայի օջախ է ամբողջ օրգանիզմի համար։

◇    Երեխայի մոտ հոգեհուզական լարվածության առաջացում։ Ցավի պատճառով երեխան դառնում է դյուրագրգիռ, պասիվ, լավ չի քնում, հրաժարվում է ուտելուց։

◇     Մշտական ատամների սաղմերի վնասում։ Կաթնատամների տակ տեղակայված են մշտական ատամների սաղմերը, որոնք կարող են ախտահարվել, եթե ժամանակին չկատարվի կաթնատամի պատշաճ բուժում։

◇Շուրջատամնային փափուկ և ոսկրային հյուսվածքների բուրբոքումներ։Կաթնատամների կառուցվածքային առանձնահատկություններով պայմանավորված՝ երեխաների մոտ փոքրիկ կետային կարիեսը բավականին արագ առաջացնում է ատամի նյարդի բորբոքում, ինչն էլ օրերի (երբեմն ժամերի) ընթացքում կարող է տարածվել դեպի ատամը շրջապատող հյուսվածքներ՝ ընդհուպ մինչև թարախակույտերի առաջացում։

◇    Ծնոտների և դեմքի աճի խանգարում։ Կաթնատամի վաղաժամ հեռացման կամ կաթնատամից շրջապատող հյուսվածքներին անցած բորբոքային պրոցեսների արդյունքում կարող են խախտվել ծնոտների և դեմքի ճիշտ աճն ու զարգացումը։ Առաջանում է մշտական ատամների համար տեղի անբավարարություն և ծագում է օրթոդոնտիկ բուժման անհրաժեշտություն։

Կարևոր

Ուստի կաթնատամները անհրաժեշտ է ճիշտ խնամել և անհրաժեշտության դեպքում ժամանակին բուժել՝ պահելով դրանք մինչև մշտական ատամներով փոխարինման ժամանակը։ Առողջությանը պետք է հետևել վաղ տարիքից

Եղեք առողջcool

Հերթագրում
Ծառայություններ
Copyrights ©2020