ՈւՐՈԼՈԳԻԱ

 

Ուրոլոգիայի բաժանմունքը Հայ-Ամերիկյան Առողջության Կենտրոնում հիմնադրվել է 2011թ. սեպտեմբեր ամսին։ Բաժնմունքի նպատակն է իրականացնել շագանակագեղձի քաղցկեղի սկրինինգ և տրամադրել լիարժեք ուրոլոգիական ծառայություններ մեր հայրենակիցներին:

Այս բաժանմունքում ախտորոշվում և բուժվում են հետրյալ հիվանդությունները`

• Միզասեռական համակարգի օնկոլոգիական հիվանդություններ, այսինքն` երիկամների, միզապարկի, շագանակագեղձի, ամորձիների չարորակ նորագոյացություններ

• Տղամարդկանց ստորին միզուղիներին բնորոշ հիվանդություններ, այդ թվում` շագանակագեղձի ադենոմա (շագանակագեղձի բարորակ գերաճ), միզուկի նեղացումներ, ամորձիների ջրգողություն

• Տիզաքարային հիվանդություն` միզասեռական համակարգի տարբեր հատվածներում առաջացած քարեր, սկսած երիկամներից մինչև շագանակագեղձ

• Երիկամների բարորակ հիվանդություններ. կիստաներ, կնճռոտում, հիդրոնեֆրոզ` ավազան-միզածորանային հատվածի նեղացման հետևանքով, բարորակ ուռուցքներ

• Միզասեռական համակարգի սպեցիֆիկ և ոչ սպեցիֆիկ վարակներ, որոնց արդյունքում կարող են ախտահարվել երիկամները` սուր և քրոնիկ պիելոնեֆրիտ, միզապարկը` ցիստիտ, կարող են առաջանալ միզուկի բորբոքում, ամորձիների և մակամորձիների բորբոքումներ

• Քրոնիկական կոնքային ցավի համախտանիշ` պրոստատիտի (շագանակագեղձի) բորբոքում, միզուկի, միզապարկի բորբոքման արդյունքում

• Միզասեռական համակարգի բնածին արատներ 

• Միզասեռական համակարգի վնասվածքներ

• Անդրոլոգիա և տղամարդու ամլություն` կատարում ենք սեռական ոլորտի խանգարումների հոգեբանական, դեղորայքային և վիրաբուժական շտկում, ներառյալ էրեկցիայի խանգարումները և իմպոտենցիան, սերմի որակական շեղումների շտկում` պայմանավորված հորմոնալ խնդիրներով, վիրաբուժական և բորբոքային հիվանդություններով (օրինակ, երակների լայնացում կամ վարիկոցելե)

• Կանացի ուրոլոգիա` որի ուշադրության կենտրոնում են կանանց ուրոլոգիական խնդիրները, կանանց անմիզապահությունը և ուրոլոգիային առնչվող կոնքի օրգանների խանգարումները

• Նեյրոուրոլոգիա` միզարձակության շեղումներ, պայմանավորված նյարդային համակարգի խանգարումներով, ուրոդինամիկ հետազոտություն 

Ծառայության զարգացման հեռանկարը

Տղամարդկանց գիտակցության մեջ ամրապնդել առողջ ժամանակ ստուգման նպատակով բժշկին այցելեու գաղափարը` դրանով իսկ օգնելով բժշկին` ապահովելու համար իր որոկյալ կյանքը և առողջ ապագան:

Կապ
Դաշտը լրացված չէ
Դաշտը լրացված չէ
Դաշտը լրացված չէ
Դաշտը լրացված չէ
Դաշտը լրացված չէ
Հետևեք մեզ՝